Gjykata e Apelit në qytetin francez Colmar, ka marrë vendim për shtyrjen e marrjesë së vendimit përfundimtar për ekstradim ose jo të kreut të AAK-së Ramush Hradinajt në Serbi, shkruan Arbresh.info

Për këtë ka reaguar edhe kreu i AAK-së Ramush Haradinaj në një postim në rrjetin social Facebook, ai thotë se drejtësia e vonuar është padrejtësi në vetvete .

Ai thotë se drejtuesit serb që më janë vërsulur mua, ata asnjëherë nuk kanë qenë të shqetësuar as për krime e as për vrasje, ata kanë qenë vetë paramilitarë

Postimi i tij i plotë:

Drejtësia e vonuar është padrejtësi në vetvete! Njoftimi që vendimi në rastin tim do të meret me 2 mars, më së paku ishte i panevojshëm.

Drejtuesit e sotëm të shtetit serb, që më janë vërsulur mua, asnjëherë nuk kanë qenë të shqetësuar as për krime as për vrasje, sepse kanë bashkëjetuar ose kanë qenë vet paramilitarë e vrasës, prandaj nga unë gjithmonë do ta marrin të njëjtën përgjigje si në vitin 1998-1999.

Sulmet serbe nuk më shqetësojnë aspak, sepse e ndjej thellë praninë dhe mbështetjen e shqiptarëve kudo që janë.

Besnikë do t’i mbetemi të drejtës sonë shqiptare në Ballkan. /Arbresh.info/
RH